तिम्रो र मेरो वर्गको योगफल

खोजे प्रेम मैले हिसाब किताबमा
त्रिकोणमिती,ज्यामिती र बिज गणितमा

हर प्रकृतिका आकृतिहरुमा
वृत्त, त्रिकोण , आयात र षट्कोणमा

आँखा पुगे अनि रोकिए योगहरुमा
वर्ग घन अनि चल र अचलहरुमा

हिसाब नमिलेर तड्पिएको म हरपल जीवनमा
डेबिट र क्रेडिट नाफा नोक्सानको प्रेममा

शंकालाग्यो समस्या र समाधान एकै हुनेमा
हिसाबले ल्याएको समस्या हिसाबले नै हल गर्नेमा

सरल गरे , भाग गरे जाँचे योगफल र फरकमा
विनियमको नियम चल्दो रैछ यस हिसाबमा

खोजे सुत्रहरु पाइथागोरस र अल्गोरिदममा
डेरिभेटिभ गरे झनै घट्ला ,हेर्छु इन्टिग्रेशनमा

तर अड्किएँ वियोग चाहिन्न , विश्वास योगमा
उत्तर त मिलाउनु नै छ , नत्र आउछ शुन्य हातमा

उदेश्य एकै जोड्नु दुई चलराशीहरु एक अचलमा
लोभी मानले सोच्यो धेरै होस योगफलमा

त्यसैले राखिदिए एक + संयोगको योगको बीचमा
तर अफसोच आयो इन्फिनिटी,तिम्रो र मेरो वर्गको योगफलमा
--हिमवत--