यहाँ यस्तै छ

महिषासुरको राज चलेको बेला,
मानवहरू गरिबीले पाताल भासिएको बेला
दशैँ आउन त आयो कतै कहानी बदलेर जाने त होइन

अनिकाल कोलाहल मच्चिएको बेला
कुबेर भोजले धन मासिएको बेला
दशैँ आउन त आयो कतै बिहानी धकलेर जाने त होइन


बेनियमको राँको बलेको बेला
अहंकारको जाँतोमा जनता धसिएको बेला
दशैँ आउन त आयो कतै कालकुट ओकलेर जाने त होइन


मानवतालाई कुरीतिले जेलेको बेला
विनाशको आगोले हरियाली मासिएको बेला
दशैँ आउन त आयो कतै आशका आंकुर पखालेर लाने त होइन

~~हिमवत~~